د لغمان اطلاعاتو کلتور رئیس د مهترلام ښاروالۍ وروستي فعالیتونه وستایل
د لغمان د اطلاعاتو کلتور رئیس مولوي عبدالنور رسولي چې نن یې د هیرو انلاین ټي وي په لسمه کلیزه کې وینا کوله نوموړي د مهترلام ښاروالۍ د بیارغونې کارونه وستایل او په رسنیو یې غږ وکړ چې د ښاروالۍ فعالیتونو ته په وخت انعکاس ورکړي او تر نړیوالو یې ورسوي
نوموړي همداراز وویل، چې ټولې رسنۍ باید په خپله برخه کې نه ستړې کیدونکي هلې ځلې وکړي او خپل ایماني او وجداني مسؤلیت ادا کړي
د یادونې وړ ده چې اوس مهال د مهترلام ښاروالۍ له لوري د مهترلام ښار په مختلفو ساحو کې د بیارغونې کارونه په منظم شکل روان دي چې ډیری خلکو ته پکې د کار کولو زمینه برابره شوې ده
