د مهترلام ښاروالۍ د تنظیف کارکونکو له لوري د دامان کلي د سرکونو، لارو او کوڅو صفايي وشوه
د مهترلام ښاروالۍ د لومړۍ ناحيي د مدیریت په لارښونه د ښاروالۍ د تنظیف ډلې کارکوونکو له لوري د یادې ناحيي اړوند د دامان کلي د لارو، سرکونو، پلچکونو او کوڅو صفايي ترسره شوه
په یاده صفايي کې سرکونو، کوڅو، پلچکونو او لارو څخه کثافات ټول کړل شول او یو مناسب ځای ته انتقال شو
یاده دې وي چې د مهترلام ښاروالۍ د تنظیف ډله هره ورځ د سهار له ۷ بجو څخه تر مازیګر ناوخته پورې د مهترلام ښار په مختلفو برخو کې خپل فعالیتونه کوي او کثافات راټولوي
