د مهترلام ښاروالۍ له لوري د برېښنايي تنویري پایو د رنګ کولو چارې روانې دي
د مهترلام ښاروالۍ له داخلي بودجې د سلطان غازي بابا ښارګوټي دروازې څخه تر شهید عبدالله پښتون چوک پورې د څه کم ۳ میلیونه افغانیو په لګښت ۴۸ برېښنايي تنویري پايي لګول شوي، چې اوس مهال یې د رنګ کولو چارې روانې دي
د یادو تنویري پایو د رنګ مالۍ چارې تیره اوونۍ پیل شوي چې ټولې پايي به په منظم او معیاري شکل رنګ کړل شي
یاده دې وي چې د مهترلام ښاروالۍ له لوري د ۲ میلیون افغانیو په ارزښت د ده مَلخ پله څخه تر قرارګاه پورې د تنویري پایو د ترمیم چارې هم پیل شوي چې په بشپړیدو سره به یې یاده ساحه په مکمل ډول روښانه شي
