د مهترلام ښار د بېلابیلو ساحو صفايي ترسره شوه
د مهترلام ښاروالۍ د لومړۍ ناحيي مدیریت په لارښونه د ښاروالۍ د تنظیف کارکونکو له لوري د مهترلام ښار د مختلفو برخو صفايي ترسره شوه، په یاده صفايي کې پلچکونه او ویالې په بشپړ ډول پاکې شوې او کثافات ترې راټول او یو مناسب ځای ته انتقال کړل شول
د مهترلام ښاروالۍ د تنظیف پرسول هره ورځ د سهار له ۷ بجو څخه تر مازیګر ناوخته پورې د مهترلام ښار په مختلفو برخو کې خپل فعالیتونه کوي او کثافات راټولوي
یاده دې وي چې ډیر ژر به د مهترلام ښاروالۍ له لوري د پاک چاپېریال ساتنې په موخه د مهترلام ښار په مختلفو برخو کې نوي فلزي غټې کثافت دانۍ هم ولګول شي
