د مهترلام ښار د زرغونتیا په موخه په دویمه ناحیه کې د نیالګیو کېنولو لړۍ روانه ده
د مهترلام ښاروالۍ له داخلي بودجې د مهترلام ښار د سمسورتیا په موخه په دویمه ناحیه کې د نیالګیو او زینتي بوټو د کېنولو لړۍ روانه ده
د دویمې ناحيي مدیر حاجي محمد حسین الکوزي وویل، د مهترلام ښار اړوند دویمه ناحيه کې اوس مهال د نیالګیو او زینتي بوټو کېنولو لړۍ روانه ده چې د ناحيي ترڅنګ په ټولو هغه ساحو او ګلدانونو کې به هم نیالګي او زینتي بوټي کېنول شي کوم ځای کې چې ډیر ضرورت وي
د یادونې وړ ده چې تیر کال د مهترلام ښاروالۍ له لوري په مهترلام ښار کې ۱۱ زره میوه لرونکي او غیرې میوه لرونکي نیالګي کېنول شوي ؤ چې د ټولو په منظم شکل ښه پالنه او ساتنه شوې ده
