مهترلام ښاروالۍ "۱۴۰۳" کال کې د ۷۷ میلیونه افغانیو په ارزښت پروژې پلي کړي دي
د مهترلام ښاروال الحاج مولوي رحمت الله شهامت د یوکلنو فعالیتونو او لاسته راوړونو په معلوماتي کنفرانس کې خبریالانو ته وویل، چې په تیر ۱۴۰۳ کال کې د دغه ولایت په مرکز مهترلام کې د ۷۷ میلیونه افغانیو په ارزښت ۲۸ لویې او وړې پروژې پلي شوي دي
د نوموړي پر وینا لویو پروژو کې د ښاروالۍ ختیځ او جنوبي اړخ ته استنادي دیوال جوړول، د سړکونو قیر، داغ ګیري، د سبزي مارکیټ بیار راغونه، د برېښنایي تنویري پایو لګول، بیلابیل فرعي سړکونو جوړول، د لس پلچکونو او ویالو جوړول، د شهید مولوي حبیب الرحمن پارک جوړول، د تنویري پایو بیا جوړونه، د حاجیانو کلي فرعي سړک جوړول او د دارالمعلمین سړک بیا رغونه شامل دي چې ځینې تکمیل شوي او پر یوشمیر نورو کار روان دی
د یادونې وړ ده چې د تیر کال په پرتله سږکال بیا د مهترلام ښاروالۍ په عوایدو کې هم ۵ سلنه زیاتوالی راغلی دی
