په دویمه ناحیه کې د نیالګیو کینولو، خړوبولو او ګلدانونو جوړولو چارې ترسره شوې
د مهترلام ښاروالۍ د تنظیف او سرسبزۍ مدیریت له لوري د مهترلام ښار په دویمه ناحیه کې د نیالګیو کینولو، خړوبولو او د ګلدانونو د جوړولو چارې په منظم شکل د پلان له مخې روانې دي
د مهترلام ښاروالۍ د تنظیف او سرسبزۍ مامور انجنیر ریحان الله آریان وویل، چې نن دوی د مهترلام ښار د دویمې ناحيي اړوند پارکونو، ګلدانونو داغمه ځایونو کې د نیالګیو کېنولو ترڅنګ د خړوبولو او د ګلدانونو د منظم کولو چارې ترسره کړې دي
همداراز نوموړي وویل چې د ځوانانو پارک کې هغه غونډې چې کلونه کلونه شاړه او ویجاړه پرته وه د نیالګیو کینولو لپاره یې د آمده کولو د ډیزاین او نقشې کارونه ترسره شول، چې ډیر ژر به پکې نیالګي او زینتي ګلان وکرل شي
د یادونې وړ ده چې وخت پر وخت د مهترلام ښاروالۍ د تنظیف او سرسبزۍ مدیریت له لوري د نیالګیو، پارکونو او شنو ځایونو څارنه او پالنه کېږي
