لغمان کې د مهترلام ښاروالۍ له لوري د ۲۲ میلیونه افعانیو په ارزښت د دوو پروژو چارې پیل شوې

web_admin
سه‌شنبه ۱۴۰۳/۱۲/۷ - ۱۳:۳۵
د دوو پروژو چارې

د مهترلام ښاروالۍ د سږکال پروژو په دوام د لومړۍ ناحیي اړوند د دارالمعلمین په مسیر د سرک او چړايي د جوړیدو چارې نن د لغمان مرستیال والي مولوي اختر محمد مزمل، مهترلام ښاروال الحاج مولوي رحمت الله شهامت، د لومړۍ ناحيي مدیر ملا عباس ابراهیمي، د لغمان د بېلابیلو ادارو رئیسانو، ګذر وکیلانو او ولسي خلکو په شتون کې پیل شوې
مهترلام ښاروال وویل: د ښاروالۍ له داخلي بودجې مو نن د ۲۲ میلیونه افغانیو په ارزښت د دوو پروژو د لومړۍ ناحيي اړوند د دارالمعلمین په مسیر د سرک قیر اچول او د چړايي د جوړیدو کارونه پیل کړل، چې په ۳ نیمو میاشتو کې به په معیاري شکل جوړ شي.
نوموړي وویل: په یادو پروژو کې به په ورځني ډول ۵۰ کسانو ته د کار کولو زمینه هم برابره شي
مرستیال والي وویل: په لغمان کې د بیارغونې کارونه په چټکۍ روان دي او له خلکو او ولس یې غوښتنه وکړه چې داسې د ټولګټو پروژو په ساتنه کې همکاري وکړي
د مهترلام ښار اوسیدونکي د ښاروالۍ له یادو کارونو خوشاله دي او وايي چې د سرک او چړايي په جوړیدو سره د تګ راتګ سهولتونه برابریږي، د ترافیکي پیښو مخنیوی کېږي او خلکو ته د کار کولو زمینه برابریږي
د یادونې وړ ده چې سږکال تر دې دمه د مهترلام ښاروالۍ له داخلي بودجې د ۶۰ میلیونه افغانیو په لګښت د بیارغونې کارونه روان دي چې سل ګونه خلکو ته پکې د کار کولو زمینه هم برابره شوې ده

تازه ترین اخبار

سه‌شنبه ۱۴۰۴/۶/۴ - ۱۰:۳۱
Background image

په مهترلام ښار کې د ډاکټر محمد ظاهر پارک د خړوبولو لپاره د ویالې جوړولو چارې پیل شوې

د مهترلام ښاروال، الحاج مولوي رحمت الله شهامت، په ځانګړې لارښونه د ښاروالۍ د تنظیف او سرسبزۍ مدیریت له لوري د ډاکټر محمد ظاهر پارک د نیالګیو او شنو ساحو د خړوبولو لپاره د یوې ویالې د. . .

سه‌شنبه ۱۴۰۴/۶/۴ - ۹:۲۹
Background image

په دویمه ناحیه کې د سرک د کانکریټ اچونې چارې پیل شوې

د مهترلام ښاروالۍ له داخلي بودیجې څخه د ۱۰ میلیونه افغانیو په لګښت د دویمې ناحیې اړوند د حاجیانو کلي د سرک د کانکریټ اچونې چارې په منظم شکل جریان لري

د مهترلام ښاروالۍ مطبوعاتي مسؤل. . .

دوشنبه ۱۴۰۴/۶/۳ - ۹:۴۱
Background image

د مهترلام ښاروال په مشرۍ د ښاروالۍ نوبتي ناسته ترسره شوه

نن د مهترلام ښاروالۍ نوبتي اداري ناسته د مهترلام ښاروال الحاج مولوي رحمت الله شهامت په مشرۍ د ښاروالۍ د امرینو او مدیرانو په ګډون ترسره شوه
په دغه ناسته کې د امرینو او مدیرانو له لوري د. . .

BACK TO NEWS