د ښاروالیو چارو سمون عمومي رئیس د مشورتي بورډ غړو، اصنافو او ګذر وکیلانو ستونزې له نږدې واریدې او د حل په موخه یې ډاډ ورکړ

د چارو ادارې لوی ریاست د ښاروالیو چارو د سمون عمومي رئیس الحاج مولوي محمد اسحاق اخندزاده لغمان ته په خپل راغلي سفر کې د مهترلام ښار د مشورتي بورډ غړو، ګذر وکیلانو او د اصنافو نماینده ګانو ستونزې له نږدې واورېدې او د حل په موخه یې ورته ډاډ ورکړ
هغه غونډه چې په همدې موخه جوړه شوې وه، په لومړیو کې مهترلام ښاروال الحاج مولوري رحمت الله شهامت راغلي پلاوي او ټولو ګډونوالو ته د ښه راغلاست ترڅنګ وویل، که په مهترلام ښاروالۍ کې کوم ستونزه لرئ یا هم ستاسو ستونزو ته رسیده ګي نه ده شوې کولای شئ اوس مهال مخامخ له یې له ښاغلي اخندزاده سره شریک کړئ
د مشورتي بورډ غړو، ګذر وکیلانو او د اصنافو نماینده د مهترلام ښاروالۍ فعالیتونه وستایل او همداراز یې خپلې یو شمېر ستونزې، وړاندیزونه او نظریات له ښاغلي اخندزاده سره شریک کړل
دوی د مهترلام ښار د پراختیا او ښاریانو ته د کار برابرولو غوښتنې وکړې
د ښاروالیو چارو د سمون عمومي رئیس ښاغلي اخندزاده د ګډونوالو ستونزې په دقت سره واوریدې او ژمنه یې وکړه چې د یادو مسئلو د حل لپاره به نه ستړې کیدړنکي هلې ځلې کوي
همداراز نوموړي له ګډونوالو وغوښتل چې د ښار د پاکوالي، ښاري نظم او خدماتو په ښه والي کې له ښاروالۍ سره فعاله همکاري وکړي تر څو د مهترلام ښار ښکلا لاپسې زیاته شي