دمهترلام ښاروال په مشري اداري ناسته ترسره شوه او تر څنګ یې د ښاروالۍ له کارمندانو سره د اختر مبارکي هم وکړه

ناپیژنده (not verified)
سه‌شنبه ۱۴۰۰/۲/۲۸ - ۹:۴۷
شاروالی مهترلام

په همدې موخه نن سه شنبه د ثور دمیاشتې په ۲۸ ویشتمه نېټه د مهترلام ښاروالۍ په ریاست کې ناسته ترسره شوه .

د پرانیستې وینا مهترلام ښاروال ښاغلي مجاهد رحمت زي وکړه ټولو کارکوونکو ته یې ښهراغلاست وویل هیله یې وښوده ترڅو کوچنی اختر د سولې او ارامۍ په فضا کې تېر شوی وي او ورپسې یې د ښاروالۍ له هر کارمند سره بېلابېل د اختر مبارکي وکړه .

ورپسې د ښاروالۍ کارمندانو د مهترلام ښاروالۍ له رهبرۍ مننه وکړه چې داسې یو سالم کاري چاپېریال يې رامنځ ته کړی او کارکوونکي کولای شي خپلې ستونزې وخت پر وخت له ریاست سره شریکې کړي.

همدارنګه مهترلام ښاروال وویل : د روژې د مبارکې میاشتې په تېرېدو سره باید په مهترلام ښار کې انکشافي او رغنیزو کارونو ته چټکتیا ورکړل شي دښاروالۍ لپاره باید د ثابتو عوایدو سرچینې رامنځ ته شي تر هغې چې ښاروالۍ عواید ونه لري نشي کولای ښاریانو ته خدمات وړاندې کړي چې په اړه یې د پرسونل له لوري د پوره چمتوالي ‌‌ډاډ ورکړل شو.

شاروالی مهترلام

تر څنګ يې د مجلس غړو په ښار کې د ښه نظم او دسپلین د رامنځ کولو په موخه وړاندیزونه درلودل چې تر څو وشو کولای له یوې خوا ښار منظم کړو د کثافاتو او فاضله موادو د جمع کېدو مخنیوی وشي او تر څنګ یې د عوایدو د راټولولو لپاره د ښار لاس پلورونکي په مشخص ځای کې ودرول شي چې د ښار ترافیک او ګڼه ګوڼه ورسره کم شي او پلې لارې باید د ښاریانو پر مخ خلاصې وي.

په ورته مهال مهترلام ښاروال د پینځه ګونو نواحیو مدیرانو ته سپارښتنه وکړه چې د ایزي کار برنامې له مسوولینو سره په ګډه او همغږۍ سره په خپلو نواحیو کې د سروې کارونه چټک کړي چې له هغې وروسته د عملي کارونو پر مخ لاره خلاصه شي او ښاریانو ته خدمات وړاندې کړو.

د ناستې په پای کې د مهترلام ښاروال له لوري د ښاروالۍ مالي او اداري امر ښاغلي مطیع الله عظیمي د هغه د ښو خدماتو په وړاندې کولو او سالم مدیریت له امله د ښاروالۍ د لزوم دید پر اساس او ولایت مقام د منظورۍ څخه وروسته په دریمه درجه تقدیرنامه تقدیر شو او ښاغلي عظیمي ژمنه وکړه چې خپلو خلکو ته به لا د خدمت جوګه شي چې دمجلس د غړو له لوري ورته د بریالیتوب هیله وشوه او ناسته په دعايې سره پای ته ورسیده

په درنښت

مهترلام ښاروالۍ

۲۸/۲/۱۴۰۰

تازه خبرونه

سه‌شنبه ۱۴۰۴/۶/۴ - ۱۰:۳۱
Background image

په مهترلام ښار کې د ډاکټر محمد ظاهر پارک د خړوبولو لپاره د ویالې جوړولو چارې پیل شوې

د مهترلام ښاروال، الحاج مولوي رحمت الله شهامت، په ځانګړې لارښونه د ښاروالۍ د تنظیف او سرسبزۍ مدیریت له لوري د ډاکټر محمد ظاهر پارک د نیالګیو او شنو ساحو د خړوبولو لپاره د یوې ویالې د. . .

سه‌شنبه ۱۴۰۴/۶/۴ - ۹:۲۹
Background image

په دویمه ناحیه کې د سرک د کانکریټ اچونې چارې پیل شوې

د مهترلام ښاروالۍ له داخلي بودیجې څخه د ۱۰ میلیونه افغانیو په لګښت د دویمې ناحیې اړوند د حاجیانو کلي د سرک د کانکریټ اچونې چارې په منظم شکل جریان لري

د مهترلام ښاروالۍ مطبوعاتي مسؤل. . .

دوشنبه ۱۴۰۴/۶/۳ - ۹:۴۱
Background image

د مهترلام ښاروال په مشرۍ د ښاروالۍ نوبتي ناسته ترسره شوه

نن د مهترلام ښاروالۍ نوبتي اداري ناسته د مهترلام ښاروال الحاج مولوي رحمت الله شهامت په مشرۍ د ښاروالۍ د امرینو او مدیرانو په ګډون ترسره شوه
په دغه ناسته کې د امرینو او مدیرانو له لوري د. . .

BACK TO NEWS