د لومړۍ ناحيي مدیریت له لوري د ښاري نظم د پاک چاپېریال ساتنې په موخه ناسته وشوه
د مهترلام ښاروالۍ د لومړۍ ناحيي مدیر ملا عباس ابراهیمي له لوري د تنظیف برخې کارکونکو سره د ښاري نظم د پاک چاپېریال ساتنې په موخه ناسته ترسره شوه
ملا عباس ابراهیمي د ښاروالۍ د لومړۍ ناحيي تنظیف ډلې ټولو کارکونکو ته سپارښتنه وکړه چې د ښار د ټولو ساحو ویالو، پلچکونو، مارکیټونو او خاکروب چارې په منظم شکل د پلان له مخې ترسره کړي
نوموړي وویل، که هر چا په کارونو کې غفلت وکړ، قانوني چلند ورسره کېږي چې بیا حق د شکایت نه لري
د یادونې وړ ده چې د مهترلام ښاروالۍ د لومړۍ ناحيي مدیریت له لوري د ښار د پاک چاپېریال ساتنې په موخه یو منظم پلان جوړ شوی چې له دې وروسته به د یاد پلان له مخې چارې ترسره کېږي او ښار به په بشپړ ډول پاک اوسي
