کرونا ویروس خطرناک ده باید خپلې روغتیا او سلامتیا ته ځانګړې پاملرنه وکړو

ناپیژنده (not verified)
سه‌شنبه ۱۳۹۹/۱/۵ - ۷:۵۸
جلسه

دغه څرګندونې مهترلام ښاروال انجنیر نظیف الله الکوزي د لغمان ولایت د روغتیا ریاست له ډاکټرانو سره په یوې ناسته کې شریکې کړې او د کرونا ویروس د مخنیوي اولیه ضرورتونو په پار یې ورسره خپل پلانونه شریک کړه.

په سر کې مهترلام ښاروال اندیښنه څرګنده کړه چې د لغمان ولایت ولسونه د کرونا ویروس جدي نه ګڼي او د خپلې سلامتیا او روغتیا په برخه کې تنبلي کوي.

مهترلام ښاروال په خپلو خبرو کې وویل: ښاري حکومتوالۍ امریت ته مو دنده ورکړې چې سر له ننه په ښار کې ټولې ګڼې ګوڼې پای ته ورسوي او ولسونو ته د کرونا د خطرناک ویروس په پار عامه پوهاوی ترسره کړي او ترڅنګ یې په ښار کې د ویروس ضد دوایي د پمپونو په وسیله وپاشي.

ورپسې د روغتیا ریاست ډاکټرانو له مهترلام ښاروال څخه مننه وکړه چې د کرونا ویروس سره د مبارزې او د لغمان د ولسونو د سلامتیا او ښې روغتیا په خاطر یې لازم تدابیر نیولې دي،

راغلو ډاکټرانو زیاته کړه: دا چې مهترلام ښاروالۍ د ښار سلمانۍ او حمامونه یې تړلي، ورزشي برخه کې خپل فعالیتونه درولي، هوټلونه او میلمستونونه یې تړلي او هم په ښار کې د دواء شیندلو په خاطر له روغتیا ریاست سره خپلې مشورې شریکوي په نیک پال یې نیسو او د کرونا ویروس سره د مبارزې لپاره یې ښه اقدام بولو.

هغوۍ وویل: موږ له مهترلام ښاروالۍ سره په دغه تدابیرو کې مرسته کوو او خپلې مشورې ترې نه سپموو او ددې ترڅنګ به د روغتیا ریاست له ښاروالۍ سره په ګډه کار وکړي.

په ورته مهال مهترلام ښاروال د روغتیا ریاست له ډاکټرانو مننه وکړه چې د نیکو مشورو ترڅنګ یې له مهترلام ښاروالۍ سره د ګډ کار ژمنه وکړه، ترڅو د کرونا خطرناکه ناروغی  په مهترلام ښار کې ځای پیدا نکړي او له وړاندې ورته تصامیم ونیول شي

تازه خبرونه

سه‌شنبه ۱۴۰۴/۶/۴ - ۱۰:۳۱
Background image

په مهترلام ښار کې د ډاکټر محمد ظاهر پارک د خړوبولو لپاره د ویالې جوړولو چارې پیل شوې

د مهترلام ښاروال، الحاج مولوي رحمت الله شهامت، په ځانګړې لارښونه د ښاروالۍ د تنظیف او سرسبزۍ مدیریت له لوري د ډاکټر محمد ظاهر پارک د نیالګیو او شنو ساحو د خړوبولو لپاره د یوې ویالې د. . .

سه‌شنبه ۱۴۰۴/۶/۴ - ۹:۲۹
Background image

په دویمه ناحیه کې د سرک د کانکریټ اچونې چارې پیل شوې

د مهترلام ښاروالۍ له داخلي بودیجې څخه د ۱۰ میلیونه افغانیو په لګښت د دویمې ناحیې اړوند د حاجیانو کلي د سرک د کانکریټ اچونې چارې په منظم شکل جریان لري

د مهترلام ښاروالۍ مطبوعاتي مسؤل. . .

دوشنبه ۱۴۰۴/۶/۳ - ۹:۴۱
Background image

د مهترلام ښاروال په مشرۍ د ښاروالۍ نوبتي ناسته ترسره شوه

نن د مهترلام ښاروالۍ نوبتي اداري ناسته د مهترلام ښاروال الحاج مولوي رحمت الله شهامت په مشرۍ د ښاروالۍ د امرینو او مدیرانو په ګډون ترسره شوه
په دغه ناسته کې د امرینو او مدیرانو له لوري د. . .

BACK TO NEWS