د مهترلام ښاروالۍ اداري ناسته

ناپیژنده (not verified)
دوشنبه ۱۴۰۰/۵/۴ - ۷:۵۵

د مهترلام ښاروالۍ اونيزه اداري ناسته، د مهترلام ښاروال مجاهد رحمت زي په مشرۍ جوړه شوه!

په دې ناسته کې د ښاري حکومتولۍ امر بختيار حسين خېل د غونډې پر اجڼدا ګډونوالو ته مفصل معلومات ورکړل.

ورپسې مهترلام ښاروال مجاهد رحمت زي خپله پرانيسونکې وینا پیل کړه، د ناستې ګډونوالو ته يې د تېر شوي لوی اختر مبارکي وويله

بیا یې د ښاروالۍ په ترسره کړو چارو هم خبرې وکړې او د تیرو ترسره شوو کړنو ارزونه یې وکړه، نوموړي ټول مثبت او منفي ټکي د ښاروالۍ امرینو، مدیرانو او مامورینو سره شریک کړل.

ښاغلي رحمت زي د ښاروالۍ پرسونل ته د چارو د بهبود لپاره مشورې ورکړي او یو شمېر وړاندیزونه يې وکړل ، دغه راز یې د چارو منظم ترسره کولو لپاره لازمې سپارښتنې هم وکړې.

مجاهد رحمت زي د (R1) پلاني ساحې د نمرو د ستونزې پر حل، د غصب د مخنیوي لپاره پر منظمو اجراتو، د معیاري او لويو کثافت دانيو پر نصب، د ښار په تنظیف، د لاس پلورنکو پر ستونزو، د ښار پر تنظيم، د موټرو هډو ته د ځای پر پیدا کولو، او د کثافاتو په ژر انتقال بحث او خبرې وکړې.

ددې ترڅنګ مهترلام ښآروال مالي او اداري امر ته دنده وسپارله، ترڅو د ترانسپورټ لپاره موټر وپیري، بعضې دې ترميم کړي او دې ستونزې ته دې پر وخت رسیده ګي وکړي.

وروسته د مهترلام ښاروالۍ آمرینو او مدیرانو په وار سره د خپلې کاري ساحې اړوند ستونزې، وړاندیزونه او نظریات له مهترلام ښاروال سره شریک کړل.

مهترلام ښاروال مجاهد رحمت زي د اداري پرسونل د ستونزو له اوریدو وروسته، هغوی ته لازمې سپارښتنې هم وکړې.

په ‌دې ناسته کې د مالي او اداري امر سربيره، د ښاري حکومتولۍ، سکټوري او څارنې امرینو، ددې ترڅنګ د کار موندنې پروګرام، ډاکار او اکټيډ استازو ګډون کړی وو.

تازه خبرونه

سه‌شنبه ۱۴۰۴/۶/۴ - ۱۰:۳۱
Background image

په مهترلام ښار کې د ډاکټر محمد ظاهر پارک د خړوبولو لپاره د ویالې جوړولو چارې پیل شوې

د مهترلام ښاروال، الحاج مولوي رحمت الله شهامت، په ځانګړې لارښونه د ښاروالۍ د تنظیف او سرسبزۍ مدیریت له لوري د ډاکټر محمد ظاهر پارک د نیالګیو او شنو ساحو د خړوبولو لپاره د یوې ویالې د. . .

سه‌شنبه ۱۴۰۴/۶/۴ - ۹:۲۹
Background image

په دویمه ناحیه کې د سرک د کانکریټ اچونې چارې پیل شوې

د مهترلام ښاروالۍ له داخلي بودیجې څخه د ۱۰ میلیونه افغانیو په لګښت د دویمې ناحیې اړوند د حاجیانو کلي د سرک د کانکریټ اچونې چارې په منظم شکل جریان لري

د مهترلام ښاروالۍ مطبوعاتي مسؤل. . .

دوشنبه ۱۴۰۴/۶/۳ - ۹:۴۱
Background image

د مهترلام ښاروال په مشرۍ د ښاروالۍ نوبتي ناسته ترسره شوه

نن د مهترلام ښاروالۍ نوبتي اداري ناسته د مهترلام ښاروال الحاج مولوي رحمت الله شهامت په مشرۍ د ښاروالۍ د امرینو او مدیرانو په ګډون ترسره شوه
په دغه ناسته کې د امرینو او مدیرانو له لوري د. . .

BACK TO NEWS