لغمان والي وايي، د جمهور ريئس د حکم مطابق به له غاصبينو سره جدي چلند ترسره او دولتي ځمکې به ورڅخه راوګرځول شي.
دا څرګندونې د لغمان والي رحمت الله يارمل د چهارشنبې په ورځ په داسې حال کې وکړې چې مرستیال والي الحاج شهزاده مظلوم یار، ددفتررئیس محمد قسیم کوهستاني او د مهترلام ښاروال یې ملتیا کوله د سلام ځای پارک څخه يې له نږدې لیدنه وکړه.
په پیل کې د مهترلام ښاروال نظیف الله الکوزي له لوري دیاد پارک د چارو اړوند هر اړخیز معلومات له والي ښاغلي یارمل سره شریک کړای شول.
د لغمان والي رحمت الله یارمل د سلام ځای پارک د چارو څخه له نږدې لیدنې وروسته مرستیال والي الحاج شهزاده مظلوم یار ته دنده وسپارله د سیمي له خلکو سره له نږدې کار وکړي،ترڅو د ولسونو غوښتنو ته هم رسیدګي شوي اوسي او د پارک چارې په ښه شکل ترسره شي.
هغه وويل ولايتي اداره ژمنه ده چې د جمهور ريئس د حکم له مخی دولتي ځمکی له غصب را خلاصه او له عاملينو سره به قانوني چلند ترسره کړي.
نوموړی وایي، حکومت ژمن دی چې د ټولو ملي پروژو چارې په ښه ډول ترسره او شته خنډونه له منځه یوسي.
۱/۵/۱۳۹۹
#دلغمان #ولايت #درسنيو #اواړيکو #دفتر
