د پنځمې ناحیې اړوند د ترمینل د تخریب شوي استنادي دېوال د بیارغونې چارې ترسره کېږي
د مهترلام ښاروالۍ له داخلي بودیجې د پنځمې ناحیې اړوند د کابل ـ جلالآباد هډې هغه استنادي دېوال، چې د وروستیو سېلابونو له امله تخریب شوی و، بېرته په اساسي او معیاري ډول رغول کېږي
په همدې موخه، نن د یادې پروژې د پلي کېدو لپاره د اته شرکتونو ترمنځ د آفر پرانیستې پروسه د مهترلام ښاروال الحاج مولوي نظر محمد عتیق او د ولایت مقام د ټاکل شوې کمېټې په حضور کې ترسره شوه
ښاروال وویل، چې د آفرونو له ارزونې وروسته به ګټونکی شرکت د ارزیابۍ کمېټې له تائید وروسته اعلان شي او ورسره به د استنادي دېوال د بیارغونې قرارداد لاسلیک شي
